Vizitë studimore · Linz, Austri
Nxënësit tanë në Linz —
mësim direkt në Austri
Si pjesë e bashkëpunimit tonë të ngushtë me Austrinë, nxënësit e Shkollës së Mesme të Mjekësisë vizituan Linz-in, ku patën mundësinë të shohin nga afër sistemin shëndetësor austriak, të ndjekin praktika dhe të takohen me partnerët tanë.
Mësim përtej kufijve
Në Shkollën e Mesme të Mjekësisë, ne punojmë ngushtë me Austrinë — jo vetëm përmes kurrikulës dhe diplomimit, por edhe gjatë vetë periudhës së shkollimit. Nxënësit tanë kanë mundësi reale të mësojnë në Austri përmes ekskursioneve, vizitave studimore dhe praktikave të organizuara në bashkëpunim me Kasën e Sigurimeve Shëndetësore të Austrisë së Epërme (OÖG).
Kjo vizitë në Linz ishte një përvojë e jashtëzakonshme: nxënësit hynë në spitale moderne austriake, panë nga afër departamentet e urgjencës (Unfallambulanz), radiologjisë, mjekësisë fizikale dhe pediatrisë. Ata u njohën me pajisjet më të avancuara të simulimit klinik dhe ndoqën sesione informuese drejtpërdrejt nga ekipi profesional i OÖG.
Përveç pjesës praktike, nxënësit morën pjesë në takime të strukturuara në sallat e konferencave, ku diskutuan për të ardhmen e tyre profesionale, kushtet e punës në Austri dhe rrugën konkrete nga klasa në Prishtinë drejt vendit të punës në Linz.
Vizita të tilla janë pjesë e rregullt e programit tonë. Ne besojmë se përvoja praktike në Austri gjatë shkollimit është çelësi për t'i përgatitur nxënësit tanë jo vetëm akademikisht, por edhe kulturalisht dhe profesionalisht për karrierën e tyre të ardhshme.
Galeria
Momente nga Linz
